Abdel Nasser na Umoja wa Afrika
Imetafsiriwa na/ Gergas Nagy
Imehaririwa na/ Fatma El-Sayed
"Sote tuko katika mashua moja, twakabiliwa na changamoto halisi ya mahitaji ya uhuru na maisha."
Hii ni sentensi maarufu ya kiongozi wa zamani Gamal Abdel Nasser katika mkutano wa kwanza wa kilele wa Afrika, katika Ukumbi Mkuu wa Mikutano, wa Jumuiya ya Nchi za Kiarabu, kwa hudhuria ya wafalme thelathini na watatu wa Afrika, marais na viongozi, na iliripotiwa na magazeti na majarida ya ndani na ya kimataifa.
Mapema, mnamo tarehe Mei 25, 1963, wakati wa mkutano wa kilele wa Afrika katika mji mkuu wa Ethiopia, uliofanyika ili kutafuta njia inayofaa ya umoja wa Afrika, kiongozi Gamal Abdel Nasser alikuwa amebeba pendekezo la mradi wa Ligi ya Afrika, sawa na Jumuiya ya Nchi za Kiarabu, na aliona kama njia pekee yenye uwezo wa kuhifadhi mfumo wa bara kwa umoja wa Afrika, na miongoni mwa sababu za shauku yake kwa Ligi hiyo ni kwamba itawezesha Afrika kuwa na jukumu kubwa katika siasa za kimataifa, na itafikia amani ya ulimwengu kwa nchi za Dunia ya Tatu
Sababu ya pili, kwa mujibu wa Waziri wa zamani Mohamed Fayek, katika kitabu chake "Abdel Nasser na Harakati za Ukombozi wa Kitaifa", mgogoro kati yetu na taasisi ya walowezi barani Afrika umekuwa mkali zaidi, na Abdel Nasser aligundua kuwa ushirikiano wa nchi zote za bara hili katika shirika moja la kisiasa utaimarisha nafasi ya nchi za bara hili katika kuishinda Israel, na kupinga upanuzi wake katika bara la Afrika.
Kwa mujibu wa profesa mkuu Mohamed Hassanein Heikal katika kitabu chake "Boiling Years", mwaka uliofuata, wakati wa mkutano wa kwanza wa Umoja wa Afrika mnamo tarehe Julai 1964 mjini Kairo, kiongozi wa zamani Gamal Abdel Nasser alisisitiza kuwa makao makuu ya Umoja wa Afrika yawe Addis Ababa, licha ya pingamizi la viongozi kadhaa wa Afrika wakati huo, na licha ya aibu kali iliyotokea kati ya kiongozi wa zamani Gamal Abdel Nasser na kiongozi Kwame Nkrumah "Kwanini Addis Ababa na sio Accra?", lakini baada ya majadiliano mwisho huo ulishawishika na kupendelea hamu ya Misri, na licha ya ushawishi wa Misri Katika Afrika wakati huo, ilikuwa na sifa ya kuwa mwenyeji wa makao makuu, na mahusiano ya Misri na Afrika ulikuwa katika urefu wao, lakini Abdel Nasser alipendelea kuwa makao makuu katika mji mkuu wa Ethiopia, kwa mambo mengi, ya kwanza ambayo ni kutambua jukumu la Mfalme Haile Selassie katika harakati za ukombozi wa kitaifa, na hivyo ukweli wa kihistoria unathibitisha ukweli, ambao hauwezi kuulizwa, kwamba uchaguzi wa "Addis Ababa" kama makao makuu ya Umoja wa Nchi Huru za Afrika ni uamuzi wa Misri tu.
Haya yalijiri Julai 18, 1964 katika Mkutano wa Afrika, uliofanyika Kairo kuthibitisha jukumu la Misri lenye ushawishi mkubwa katika kufanya kazi ili kufikia Umoja wa Afrika, na Rais Abdel Nasser alikuwa na hotuba iliyodumu kwa dakika 28 na ilikatizwa kwa makofi mara 11, na Misri na nchi 3 zilichaguliwa kukamilisha rasimu ya mkataba wa Shirika la Nchi za Afrika, na Gamal Abdel Nasser alichaguliwa kuwa Mwenyekiti wa Umoja wa Afrika katika kikao hicho.
Kwa mujibu wa mfikiriaji mkubwa Helmy Shaarawy katika kitabu chake "Wasifu wa Kiafrika wa Misri", Abdel Nasser amefanikiwa kushinda shukrani za marais wa Afrika, ambao kwa upande wao walikutana mwaka uliofuata kuhusu maendeleo ya kanuni za Umoja wa Afrika, ambao taarifa zao ziliandikwa kwa kiasi kamili, kwani ilikuwa usawa mzuri kati ya Nkrumah Unionist, Nyerere kihafidhina, na Felix Houphouët-Boigny, kiongozi wa Ivory Coast katika Francophonie, na mifumo yao mitatu ya chini, na kufanya Abdel Nasser na Haile Selassie kama "ndugu wakubwa", kama alivyoweka.
Wakati huo, kiongozi Gamal Abdel Nasser aliwasilisha msimamo wake kuhusu taasisi ya walowezi, akiwaacha viongozi wa Afrika uamuzi kuelekea msimamo wao kuhusu chombo hiki, nini kilitoka kwao lakini walikubaliana na maoni, wakati alisifiwa wakati huo kwa kuelekeza Shirika la Ukombozi wa Palestina kuchukua hadhi ya mwangalizi katika mikutano yote ya kilele, Gamal Abdel Nasser aliyokuwa na hamu sana ya kuhudhuria wote, na hivyo kuimarisha mahusiano ya kirafiki kati ya Misri na masheikh wake kutoka nchi za Afrika, na kwa mujibu wa Helmy Shaarawy, marais walikuwa wamesimama wakipongeza katika ukumbi wowote ambapo mkutano unafanyika Marais katika kuingia kwa Nasser, ambayo hakuona katika taasisi nyingine yoyote ya kimataifa.
Tukitambua kuwa viongozi walioliongoza bara la Afrika na kuanzisha umoja wake ni: Gamal Abdel Nasser, Jomo Kenyatta, Kwame Nkrumah, Ahmed Sekotori, Ahmed Benbella, Patris Lumumba, Felix Mumi, Julius Nyerere, Emile Cabral, na wengine, hatuchoki pale tunaposema kwa uhakika kwamba Gamal Abdel Nasser alikuwa na jukumu kubwa katika ushuhuda wa historia, na kwa ushuhuda wa watu hawa hao.
Mratibu wa lugha ya kiswahili/ Tasneem Hamdy
