Jukwaa la Kimataifa la Nasser lashiriki kwa ufanisi katika Kongamano la Vijana wa Afrika 2025

Nov 15, 2025 - 18:01
Jukwaa la Kimataifa la Nasser lashiriki kwa ufanisi katika Kongamano la Vijana wa Afrika 2025

Jukwaa la Kimataifa la Nasser limeshiriki kikamilifu katika Kongamano la Vijana wa Afrika (Pan-African Youth Forum 2025) uliofanyika nchini Djibouti kuanzia tarehe 4 hadi 6 Novemba 2025, chini ya uratibu wa Tume ya Umoja wa Afrika, ukiwa na kaulimbiu isemayo “Kutoka kwenye ndoto hadi vitendo: Vijana kama vichocheo vya maendeleo endelevu.”  Ushiriki huu unathibitisha nafasi muhimu inayochukua Jukwaa hilo katika kuimarisha diplomasia ya vijana barani Afrika, sambamba na juhudi za kusaidia utekelezaji wa Ajenda ya Afrika 2063 na kukuza umoja wa bara katika nyanja za maendeleo, ubunifu na uongozi.

Mtafiti wa anthropolojia Hassan Ghazaly, mwanzilishi wa Jukwaa la Nasser la Kimataifa, alisema kuwa ushiriki wa Misri katika tukio hili la bara ni hatua muhimu kuelekea kuimarisha umoja wa vijana wa Kiafrika. Alibainisha kuwa Djibouti ina umuhimu wa kiishara kwa kuwa ni daraja linalounganisha ulimwengu wa Kiarabu na ule wa Kiafrika. Ghazaly aliongeza kuwa ushiriki wa Jukwaa la Nasser la Kimataifa katika shughuli za Kongamano la Vijana wa Afrika ulikuwa wa aina mbalimbali na ulionesha wazi misingi na maadili yanayoongoza Jukwaa hilo, yanayozingatia wingi wa tamaduni na ushirikiano wa kuvuka mipaka. Ujumbe wa Jukwaa ulihusisha kundi la vijana mahiri kutoka asili na tamaduni tofauti, wakiiwakilisha anuani ya kijografia na kitamaduni ambayo Jukwaa hilo linafanyia kazi.

Alieleza kuwa ujumbe wa Misri ulihusisha Dkt.  Mohamed Ezz na Mhandisi Rawan Al-Omda, huku Sudan ikiwakilishwa na Mhandisi Hudhaifa Al-Hassan, pamoja na mwanaharakati wa haki za binadamu Buba Fatti kutoka Gambia, na mwanaharakati wa Umoja wa Mataifa Malika Elias kutoka Djibouti. Ghazaly alisisitiza kuwa mchanganyiko huu wa washiriki unaakisi dhamira ya Jukwaa hilo katika kuwawezesha vijana kutoka mataifa mbalimbali, sambamba na kuimarisha mazungumzo na ushirikiano baina ya kanda kupitia kubadilishana uzoefu na mitazamo kuhusu masuala ya maendeleo, uongozi, na ujasiriamali.

Kwa upande wake, Mhandisi Hudhaifa Al-Hassan, Katibu Mkuu wa Baraza la Vijana wa Kiarabu na Kiafrika na mhitimu wa Udhamini wa Nasser kwa Uongozi wa Kimataifa, alibainisha kuwa baraza hilo liliandaa katika pembezoni mwa mkutano huo mjadala maalum uliohusu mada isemayo “Nafasi ya masoko jumuishi na biashara jumuishi katika kukuza ushirikiano wa kikanda.” Mjadala huo uliangazia jukumu la vijana wa Kiarabu na Kiafrika katika kuchangia mustakabali wa bara kupitia ujenzi wa masoko na biashara jumuishi yanayochochea maendeleo endelevu pamoja na kuwawezesha vijana kiuchumi na kijamii.

Wawakilishi wa ujumbe huo walisisitiza katika vikao vya jukwaa umuhimu wa kuhamia kutoka kwa mipango ya kibinafsi hadi kwenye mitandao ya ushirikiano wa kikanda yenye uwezo wa kuleta athari endelevu za kiuchumi na kijamii. Pia walionesha mitazamo yao kuhusu fursa na changamoto zinazokabili uanzishaji wa masoko jumuishi barani Afrika, sambamba na kushirikisha mifano halisi ya miradi ya Jukwaa la Nasser la Kimataifa na Baraza la Vijana wa Kiarabu na Kiafrika, inayolenga kujenga uwezo wa vijana na kuwawezesha kiuchumi na kijamii kupitia uimarishaji wa ujasiriamali na maendeleo endelevu.

Aidha, Ni vyema kutajwa kuwa Jukwaa la Nasser la Kimataifa ni jukwaa kinara linaloakisi dira kamili ya kuimarisha ushirikiano katika uwanja wa diplomasia ya umma, umeoanza kuchukua sura yake tangu mwaka 2019. Chini ya mwavuli wake, Jukwaa hili linajumuisha programu na ubunifu mbalimbali wa vijana unaolenga kujenga madaraja ya mawasiliano kati ya tamaduni na kubadilishana uzoefu. Miongoni mwa mipango hiyo ni Udhamini wa Nasser kwa Uongozi wa Kimataifa, Harakati ya Nasser ya Kimataifa kwa Vijana ili Kusaidia Mahusiano ya Nchi Mbili, Shule ya Taifa ya Vijanguzi, pamoja na  la Kijamii la Nasser (la Majaribio) na tovuti rasmi ya Jukwaa hilo.

Kupitia miradi hiyo, Jukwaa la Nasser la Kimataifa linajitokeza kama mfano halisi unaounganisha fikra na utekelezaji katika maandalizi ya viongozi wenye uwezo wa kuchangia maendeleo na kuimarisha ushirikiano wa kimataifa.