Misri na kundi la 20 (G20)
Imefasiriwa na / Mervat Sakr
Kundi la 20"G20" ni jukwaa la kundi la nchi zilizoendelea Duniani, lililoanzishwa mnamo 1999, baada ya mgogoro wa kifedha wa Asia, kama jukwaa la mawaziri wa fedha na magavana wa benki kuu kujadili masuala ya kiuchumi na kifedha duniani. Mwanzo ulikuwa wakati wa Mkutano wa Cologne wa Kundi la Saba mnamo Juni 1999, na ilianzishwa rasmi katika mkutano wa mawaziri wa fedha wa kundi la saba mnamo Septemba 26, 1999, na mkutano wa uzinduzi ulifanyika mnamo Desemba 15-16, 1999, katika mji mkuu wa Ujerumani, Berlin.
Katika hali ya kukabiliana na mgogoro wa kifedha wa 2008, mikutano ya G20 iliinuliwa hadi kiwango cha wakuu wa nchi na serikali, katika siku za mwanzo za mgogoro wa kifedha, baada ya kuwa wazi kwamba uratibu wa mgogoro utawezekana tu katika ngazi ya juu ya kisiasa. Tangu wakati huo, viongozi wa G20 wakawa wakikutana mara kwa mara, na mkutano wao wa kila mwaka umekuwa jukwaa kuu la ushirikiano wa kiuchumi wa kimataifa.
G20 ina sehemu kubwa ya uchumi mkubwa Duniani, ikiwa ni pamoja na nchi zilizoendelea; kutoka nchi za 19 pamoja na Urais wa Umoja wa Ulaya, na kufikisha idadi ya wanachama kwa 20: Argentina, Australia, Brazil, Canada, China, Ufaransa, Ujerumani, India, Indonesia, Italia, Japan, Mexico, Urusi, Saudi Arabia, Afrika Kusini, Uturuki, Korea Kusini, Uingereza, na Marekani, na ushiriki wa Shirika la Fedha la Kimataifa, Benki ya Dunia, Shirika la Biashara Duniani, Bodi ya Utulivu wa Fedha, Shirika la Ushirikiano wa Kiuchumi na Maendeleo, Nchi wanachama wa G20 zinachangia karibu 90% ya jumla ya uzalishaji wa kitaifa Duniani, 80% ya biashara ya kimataifa (ikiwa ni pamoja na biashara ya ndani ya EU), na theluthi mbili ya idadi ya watu Duniani.
Usambazaji wa kijiografia wa wanachama wa Kundi la 20 ni kama ifuatavyo: bara la Asia linalowakilishwa na China, India, Indonesia, Japan, Korea Kusini na Saudi Arabia, wakati Afrika inawakilishwa na Afrika Kusini tu.Amerika ya Kusini inawakilishwa na Argentina na Brazil, Ulaya inawakilishwa na nchi nne za Umoja wa Ulaya na inajiwakilisha yenyewe, ambazo ni Uingereza, Ufaransa, Italia, Ujerumani, pamoja na Urusi, Uturuki, Amerika ya Kaskazini inayowakilishwa na Amerika, Canada, Mexico na Australia inayowakilishwa na Australia.
Nchi za G20 zimegawanywa kulingana na makundi yafuatayo: Nchi tatu za NAFTA (Mkataba wa Biashara Huria wa Amerika ya Kaskazini), nchi mbili kutoka Soko la Pamoja (EEC), nchi nne kutoka Umoja wa Ulaya (ambayo wakati huo huo inawakilisha nchi zao wenyewe), na nchi tatu wanachama wa Shirika la Mkutano wa Kiislamu.
G-20 sio shirika la kimataifa, halina muundo wake wa kiutawala, hakuna sekretarieti ya kudumu kwa wanachama wake, hakuna uwakilishi wa kudumu wa wanachama, ndiyo maana uenyekiti wake unazunguka kila mwaka na wakuu wa nchi wanaoshiriki katika mkutano huo wana haki ya kuwaalika viongozi kutoka nje ya kikundi. Maazimio yake hayafungamani kisheria, hayakubali maazimio yenye athari ya moja kwa moja ya kisheria, na nchi wanachama hufanya ahadi za hiari, lakini kufikia makubaliano juu ya masuala ya kimataifa bado ni vigumu katika kikundi kwa sababu inajumuisha wapinzani wa kijiografia kama vile Marekani na China.
G20 inalenga kuimarisha na kuendeleza uchumi wa Dunia, kurekebisha taasisi za kifedha za kimataifa na kuboresha mfumo wa kifedha, kusaidia ukuaji wa uchumi wa kimataifa, kuendeleza mifumo ya ajira na kuamsha mipango ya biashara ya wazi. Kuleta pamoja mifumo ya kiuchumi ya nchi zinazoendelea na zilizoendelea ambazo ni muhimu na zimeandaliwa kujadili masuala muhimu yanayohusiana na uchumi wa Dunia.
G20 ni jukwaa lisilo rasmi ambalo linaunga mkono majadiliano ya kujenga na wazi kati ya soko maarufu na nchi za viwanda juu ya masuala muhimu yanayohusiana na utulivu wa uchumi wa kimataifa.
Kwa kuchangia katika kuimarisha usanifu wa kifedha wa kimataifa na kutoa fursa za mazungumzo juu ya sera za ndani za nchi na ushirikiano wa kimataifa kati yao na taasisi za kifedha za kimataifa, G20 inasaidia ukuaji wa uchumi na maendeleo Duniani kote.
Sehemu inayoonekana zaidi ya kazi ya G20 tangu 2008 ni Mkutano wa Wakuu wa Nchi na Serikali iliyoandaliwa na kuhudhuriwa na Urais binafsi.
Mikutano ya ziada kuhusu masuala ya sera za fedha pia imeandaliwa, na kuhudhuriwa na mawaziri wa fedha na magavana wa benki kuu pamoja na udhibiti wa kila urais. Katika mkutano huo, viongozi wanatoa taarifa ya mwisho kwa kuzingatia mikutano iliyofanyika mwaka mzima.
Mnamo 2017, wakati wa urais wa Jamhuri ya Shirikisho la Ujerumani katika Mkutano wa G20, Mpango wa Ushirikiano wa G20 na Afrika ulizinduliwa, Kuboresha Masharti ya Uwekezaji wa Kibinafsi na Ajira barani Afrika kwa kushirikiana na nchi za Afrika, na kichwa cha "Ushirikiano na Mpango wa Afrika", kuleta pamoja nchi za Afrika zinazohusika, Kundi la Benki, Shirika la Fedha la Kimataifa, Benki ya Maendeleo ya Afrika na washirika wengine wa nchi mbili na wa kimataifa kuendeleza na kuunga mkono sera na hatua muhimu za kuvutia uwekezaji wa kibinafsi. Hadi sasa, nchi 12 (Misri, Morocco, Tunisia, Ethiopia, Rwanda, Benin, Côte d'Ivoire, Ghana, Guinea, Senegal, Togo, Burkina Faso) zimejiunga na mpango huo na kuweka matarajio yao na mipango ya mageuzi chini ya mfumo uliopitishwa na mawaziri wa fedha wa G20 mwezi Machi 2017.
Badala ya kutegemea mtiririko wa misaada ya umma, mpango huu unatafuta kuunda kasi mpya serikali za Afrika zinayofanya kazi na washirika wao kuongoza mageuzi yanayohitajika ili kuvutia uwekezaji wa kibinafsi wa ndani na nje.
Mapendekezo ya awali ya mageuzi katika nchi hizo yamehimiza na kuhamasisha washirika wa maendeleo kutoa msaada mpya na wa ziada wa kiufundi na uendeshaji. Hata hivyo, ili nchi za SDMX zifikie malengo yao, zinahitaji kuachana na vitendo vya serikali (G20) ikiwa zitahimiza na kuchochea sekta yao binafsi kuonyesha nia kubwa katika fursa zinazopatikana katika uchumi wa Afrika.
Mnamo Oktoba 27, 2018, shughuli za mkutano mdogo wa viongozi wa Afrika, wakuu wa nchi na wanachama wa serikali wa Mpango wa Ushirikiano wa Ujerumani na Afrika ndani ya muktadha wa mkutano wa G20, ambao uliitishwa na Kansela wa Ujerumani, ulianza katika mji mkuu wa Ujerumani, Berlin.
Misri yashiriki katika mkutano wa G2
Misri ilishiriki katika mkutano wa 11 wa kundi la 20, uliofanyika Hangzhou mashariki mwa China na kichwa "Kujenga uchumi wa Dunia wenye ubunifu, wenye nguvu, unaounganishwa na unaojumuisha"Septemba 5-6 2016, na ujumbe ulioongozwa na Rais Abdel Fattah El-Sisi, kwa mwaliko wa China, iliyokuwa mwenyekiti wa kikundi hicho katika kikao hiki. Misri ilishiriki katika nchi 20 katika maandalizi ya mkutano huo.
Mnamo Juni 12, 2017, Misri ilishiriki katika Mkutano wa Ujerumani na Afrika uliofanyika katika mji mkuu wa Ujerumani, Berlin, na kichwa "Kundi la ishirini na Afrika: Ushirikiano katika Mustakabali wa Pamoja",kwa hudhuria ya wakuu wa nchi na serikali za nchi zinazoongoza Afrika, pamoja na wakuu wa Benki ya Dunia, Shirika la Fedha la Kimataifa na Benki ya Maendeleo ya Afrika.
Mnamo Oktoba 30, 2018, Rais wa Misri Abdel Fattah El-Sisi, katika nafasi yake kama Mwenyekiti wa Umoja wa Afrika, alishiriki katika shughuli za mkutano mdogo wa viongozi wa Afrika, wakuu wa nchi na serikali, wanachama wa Mpango wa Ushirikiano wa G20 na Afrika.
Mwaka 2019, Misri ilialikwa, kama Mwenyekiti wa Umoja wa Afrika, kushiriki katika mkutano wa 14 wa G20,Japan iliochukua urais wake na kuwa mwenyeji katika mji wa Osaka nchini mnamo Juni 28,29.
Mnamo Novemba 2019, Mpango wa Ushirikiano wa G20 na Afrika ulizinduliwa kwa ushiriki wa Rais wa Misri Abdel Fattah El-Sisi, na kauli mbiu "Ulaya na Afrika - Washirika Sawa na Wanaovumilia".
Mnamo Agosti 27, 2021, Rais wa Misri Abdel Fattah El-Sisi alishiriki kupitia mkutano wa video katika mkutano wa nne kwa Mpango wa G20 Ushirikiano na Afrika, ambao huandaliwa kila mwaka na Ujerumani kwa ushiriki wa kundi la wakuu wa nchi za Afrika na serikali na wanachama wa Kundi la ishirini, pamoja na wakuu wa taasisi kadhaa za kimataifa washirika katika mpango huo.
Orodha ya mikutano ya kilele iliyoandaliwa na Kikundi na nchi ilozokuwa mwenyeji tangu 2008:
Washington, Marekani, Novemba 2008.
London, Uingereza, Aprili 2009.
• Pittsburgh, Pennsylvania, Marekani, Septemba 2009.
•Toronto, Canada, Juni 2010.
• Seoul, Korea Kusini, Novemba 2010.
• Cannes, Ufaransa, Novemba 2011.
• Los Cabos, Mexico, 2012.
• Mtakatifu Petersburg, Urusi, 2013.
• Mji wa Brisbane, Australia, 2014.
• Antalya, Uturuki, 2015.
• Hangzhou, China, 2016.
• Hamburg, Ujerumani, 2017.
• Buenos Aires, Argentina, 2018.
Osaka, Japan, 2019.
• Riyadh, Saudi Arabia, 2020.
• Roma, Italia, 2021.
Bali, Indonesia, 2022.
Vyanzo
Tovuti ya Kilele cha Kundi la G20.
Tovuti ya Urais wa Jamhuri ya Kiarabu ya Misri.
Tovuti ya Taasisi kuu ya Taarifa.
