Ghazali ni mgeni wa Umoja wa Afrika katika Siku ya Vijana Duniani
Imefasiriwa na / Osama Mustafa
Mtafiti wa Anthropolojia Hassan Ghazali, Katibu Mkuu wa Taasisi ya Maendeleo na Ujenzi wa Uwezo wa Kiafrika, na mtaalamu wa sera za vijana, utamaduni, michezo, na vyombo vya habari, alishiriki kama mzungumzaji katika Mkutano wa Tume ya Umoja wa Afrika – Jukwaa la Umoja wa Afrika kwa Kujitolea katika kikao cha majadiliano kinachoitwa "Jukumu la Mkataba wa Biashara Huria wa Afrika katika Kuimarisha Fursa za Kujitolea na Ajira Kupitia Mipaka" uliofanyika tarehe Agosti 14, Mkutano huo ulihudhuriwa na wajumbe kutoka nchi wanachama wa Umoja wa Afrika zinazoshirikiana katika kazi ya kujitolea ya vijana, Katibu Mkuu wa Mkataba wa Biashara Huria wa Afrika, taasisi zinazoshughulikia masuala ya Mkataba huo, viongozi wa vijana washirika na wadau kama Programu ya Maendeleo ya Umoja wa Mataifa na wawakilishi wa Shirika la Kazi la Kimataifa, Kamisheni ya Uchumi ya Umoja wa Mataifa kwa Afrika na Kamisheni ya Uchumi ya Nchi za Afrika, wawakilishi wa Shirika la VSO na wataalamu wake waliotajwa kuwa washirika wanaofanya kazi katika uwanja wa kujitolea kutoka taasisi za kiraia na sekta ya umma, na wataalamu kutoka vyuo vikuu wanaohusika na kujitolea na utekelezaji wa Mkataba kupitia vijana, pamoja na wataalamu kutoka taasisi za miundombinu ya kikanda inayowajibika kukuza kazi za kujitolea na ajira katika eneo la Mkataba wa Biashara Huria wa Afrika.
Katika muktadha huo, kikao hicho kilijadili masuala muhimu kadhaa, ikiwa ni pamoja na njia za kupunguza vizuizi kwa kujitolea kuvuka mipaka, pamoja na jinsi ya kutoa mazingira ya kisiasa yanayowezesha kupitia Mkataba wa Biashara Huria wa Afrika, pamoja na kushauriana juu ya mbinu za kuongeza fursa za kujitolea kupitia mipaka, na majadiliano juu ya jukumu la Mkataba katika kuimarisha mchakato wa ajira kupitia mipaka na athari yake katika kukuza kanuni na maadili ya Umoja wa Afrika.
Mwanzoni mwa hotuba yake, Ghazali alisisitiza umuhimu wa kutekeleza nyaraka za bara zinazohusiana na vijana, kama "Hati Muhimu ya Vijana na Kujitolea ndani ya Umoja wa Afrika," "Mkakati wa Kiafrika wa Ajira kwa Vijana," "Hati Muhimu Inayoweka jukumu la Vijana na Wanawake katika Amani na Usalama," na kuziingiza katika mfumo wa Mkataba wa Biashara Huria wa Afrika, ili kuhakikisha ushiriki imara wa vijana na kuimarisha jukumu lao katika mchakato wa kukamilisha eneo la biashara huria la Afrika.
Katika muktadha unaihusiana, Ghazali alieleza mapendekezo kadhaa ambayo Sekretarieti ya Eneo la Mkataba wa Biashara Huria ya Afrika inapaswa kuyachukua kama njia za kupunguza vizuizi kwa kujitolea kwa kuhakikisha uhuru wa wafanyakazi wa kujitolea kuvuka nchi za Umoja wa Afrika. Mapendekezo hayo ni pamoja na kuunda timu za kujitolea za kikanda, kuhamasisha makubaliano ya kubadilishana wafanyakazi wa kujitolea, kuanzisha vituo vya msaada wa kujitolea kuvuka mipaka, pamoja na haja ya kutoa motisha na fursa za taasisi za bara zinazosaidia kujitolea.
Pia, inashauriwa kuendeleza haraka programu za kujitolea kupitia mipaka ambayo inaenea katika nchi kadhaa za umoja, na kuzingatia maeneo maalum kama elimu, huduma za afya, uhifadhi wa mazingira, na misaada ya dharura.
Ghazali alihitimisha akithibitisha kuwa kuharakisha utekelezaji wa Mkataba wa Biashara Huria wa Afrika kutazalisha fursa nyingi za ajira kwa vijana. Alisisitiza kwamba uwezo wa eneo la biashara huria la Afrika kuwezesha ajira utategemea mambo kadhaa kama utekelezaji, sera, na uwezo wa vijana kupata fursa hizo.
