Miaka 57 ya Uhuru wa Ufalme wa Lesotho
Mnamo siku kama hii - Oktoba 4, 1966 - Lesotho ilipata Uhuru wake kutoka kwa Uingereza. Ufalme wa Lesotho, ulioko kusini mwa bara la Afrika, ulitawaliwa na Uingereza kwa mara ya kwanza mnamo 1868, wakati ambapo Mfalme Moshosho wa kwanza, Mwanzilishi wa Basotho (Lesotho sasa hivi), alipoomba msaada kutoka kwa Uingereza kwa sababu ya kuiingiza nchi yake katika mapambano mfululizo na mizozo ya kikanda. Na ifikapo 1884, Basutland ilikuwa koloni la Uingereza.
Waingereza walijaribu kushika silaha kutoka kwa watu wa Basut mara kadhaa lakini walishindwa kuwadhibiti. Mnamo 1910 Baraza la Kitaifa la Basutoland lilianzishwa, likiwa pamoja na viongozi na wanachama waliochaguliwa, na mabaraza ya vitongoji yalianzishwa mnamo 1943 kudhibiti serikali ya mitaa ya nchi. Mwenendo wa kujitawala ulianza pamoja na kupitisha katiba mnamo 1960.
Uchaguzi wa kwanza ulifanyika mnamo 1965, ambapo chama cha Basutoland kilishinda, Lebua Jonathan, kiongozi wa chama akawa Waziri mkuu, na mjukuu wa Moshocho akawa mfalme wa nchi. Mnamo Oktoba 4, 1966, Basutoland ikawa ufalme huru wa Lesotho.
