Mshikamano wa Kimataifa waadhimisha sherehe za Julai za utukufu kwa Mshikamano wa Kiafrika na Kilatini
Ghazaly: Mapinduzi ya Julai yaliipa Misri nafasi ya kisiasa katika mabara ya Ulimwenguni Kusini
Ghazaly: Twatafuta kujenga makada vijana ambao wana jukumu la ufanisi katika diplomasia maarufu
Ghazaly: Mshikamano wa Kiafrika, Kilatini na Asia ni maneno ambayo lazima yapewe nafasi katika vyombo vyetu vya habari ndani ya muktadha wa Ulimwenguni Kusini
Kuhusiana na Maadhimisho ya Mapinduzi ya Julai, Mtandao wa Mshikamano wa Kimataifa kupitia Harakati ya Nasser kwa Vijana uliandaa majadiliano kadhaa ya jopo ndani ya shughuli za mpango wa "Mazungumzo ya Mshikamano wa Kimataifa" katika lugha za Kiafrika na Kihispania na kikundi cha wasomi na wanasiasa kutoka mabara ya Afrika na Amerika ya Kilatini.
Semina za Afrika zilikuja kufufua Mshikamano wa Afro-Arab, hasa kipindi kilichoitwa "Safari ya Kimawazo Kwa Tanzania". Waandishi mashuhuri wa riwaya na wakosoaji wa fasihi kutoka nchi za Afrika Mashariki walishiriki katika semina hiyo, pamoja na makada wa wanafunzi wa Misri na watafiti katika lugha ya Kiswahili.
Mwandishi wa riwaya Nelson Ntimba, mwandishi wa riwaya wa kisasa katika uwanja wa riwaya na hadithi fupi, alifungua kipindi hicho kwa kuangazia alama za mji wa Bagamoyo nchini Tanzania, umeovutia watalii tangu nyakati za kale. Ntempa alizungumzia historia ya mji huo na maandishi ya Kiarabu ndani yake, na alizungumzia kuhusu lahaja zake za ndani, soko la watumwa na jukumu lake la kihistoria, pamoja na makaburi ya Waarabu wa kale na shughuli za kibiashara za sasa zilizofanya Bagamoyo kuwa mji wa kiuchumi wa kifahari. Pia aligusia Kanisa la Yusuf Takatifu na Msikiti wa Bagamoyo, akitumia picha na video kuleta picha hiyo karibu na watazamaji.
Mwandishi wa uchunguzi Richard Mwambe aliendelea kuzungumza kuhusu kisiwa cha Kilwa, akipitia historia yake na umuhimu wa makabila yake ya kibiashara kwa Waarabu, Kireno, na Wajerumani kwa miaka yote, ambayo iliifanya kutamaniwa na uvamizi wa Ujerumani. Alieleza kuwa wakazi wa kisiwa hicho wanategemea biashara ya dhahabu, mavazi, pembe za ndovu, viungo na vitambaa. Alisifu eneo hilo la kihistoria la Sonju Minara akionesha picha na video fupi akibainisha kuwa UNESCO imelitangaza eneo hilo kuwa urithi wa kitamaduni unaopaswa kuhifadhiwa.
Katika muktadha unaohusiana, Mkosoaji wa Fasihi Gwamake Mwamasage, anayejulikana kwa kazi zake za fasihi zinazoshughulika na familia na jamii, alizungumza kuhusu mji wa Kigoma, akionesha eneo lake la kijiografia na umuhimu wa kipekee wa utalii, kupitia uwasilishaji wake wa picha na video mbalimbali zinazoonesha alama za jiji na mambo mbalimbali.
Kikao hicho kilisimamiwa na Mfasiri na Mtafiti Nourhan Khaled, Mhariri Mkuu w lango la Makala na Maoni kwenye tovuti ya Harakati ya Nasser kwa Vijana "Toleo la Kiswahili", na Mratibu wa Programu ya Mazungumzo ya Mshikamano wa Kimataifa inayozungumza Kiswahili, akielekeza jukumu lililochezwa na Mtandao wa Mshikamano wa Kimataifa - kupitia Harakati ya Nasser kwa Vijana kwenye kujenga makada wa lugha wanaosimamia lugha za Kiafrika kuwa nguvu zaidi kwa diplomasia maarufu ya Misri katika kushughulika na kushirikiana na bara la Afrika.
Kwa upande mwingine, semina za lugha ya Kihispania zilikuja kufufua mshikamano wa Kiarabu na Kilatini chini ya kichwa "Mshikamano wa Kiarabu-Latin: Argentina kama Mfano", kwa hudhuria ya kikundi cha viongozi wa vijana na wawakilishi wa taasisi maarufu za kiraia na vyama nchini Argentina.
Vikao vya programu ya lugha ya Kihispania vilishughulikia mada kadhaa, ikiwa ni pamoja na muktadha wa kihistoria na kikanda wa harakati za ukombozi wa kitaifa nchini Argentina na Amerika ya Kusini, jukumu la vyama vya wafanyakazi katika kufikia haki ya kijamii, na umuhimu wa Harakati ya kutofungamana kwa upande wowote kwenye kuunga mkono uhuru wa nchi zinazoendelea. Pia aligusia maelewano ya kiakili kati ya Juan Perón na Gamal Abdel Nasser, na jinsi walivyobadilishana maono kuhusu uhuru wa kitaifa na maendeleo wakati wa maadhimisho ya Mapinduzi ya Julai na pia Siku ya Uhuru wa Argentina.
Kwa upande wake, Mwanaanthropolojia Hassan Ghazaly, Mwanzilishi wa Mtandao wa Mshikamano wa Kimataifa, alisisitiza kuwa mtandao huo ni wa hiari na usio na faida, na programu zake hutolewa bure kabisa na huandaliwa na juhudi za kibinafsi bila kupokea msaada wowote wa kifedha. Alisema kuwa programu ya Mazungumzo ya Mshikamano wa Kimataifa(Global SolidarityTalks) inazindua semina kwa lugha tofauti Kiarabu / Kihispania / Kiswahili / Kifaransa, Kiingereza na Kirusi kama jukwaa la wazi la majadiliano na kubadilishana kiakili kuhusu masuala ya kawaida ya kitamaduni, kwa lengo la kuimarisha mshikamano kati ya watu kutoka tamaduni na asili tofauti duniani kote, akibainisha kuwa ni utaratibu muhimu ambao unawapa vijana wa Misri na wanafunzi wanaojifunza lugha fursa ya kufanya mazoezi ya lugha yao ya kujifunza na watu wa asili katika Asia, Ulaya, Afrika na Amerika ya Kilatini, ili kuandaa makada na viongozi wenye uwezo wa kuelewa mabadiliko yanayotokea duniani kote.
