Jukumu la Idhaa  zinazoelekezwa katika kueleza roho ya mshikamano na kusaidiana baina ya nchi za Afrika Mashariki na Kati

Na / Kribsoo Diallo

Baada ya kutafuta kwa miaka mingi, hatimaye nilipatia baadhi ya rekodi nadra za Idhaa ya "Redio  ya Cairo", iliyokuwa ikitangaza ishara zake kutoka Misri kwa lugha ya Kiswahili mwaka wa 1954; kuelezea roho ya mshikamano na kusaidiana baina ya nchi za Afrika Mashariki na Kati, haswa sauti ya Wakenya wakati wa harakati za kupigania Uhuru.Pia inasifika kwa kutoa mwanga kwenye masaibu na mateso yao, na kufichua mazoea na sera zilizofanywa na wakoloni wa Kiingereza dhidi yao baada ya muda mrefu wa usiri kwenye habari zinazotoka katika koloni na udhibiti wake na Waingereza, ili kuficha ukiukaji na mauaji waliyokuwa wakitekeleza na kuongeza muda wa utawala wao wa kikoloni.

Wakati utangazaji ulipoanza mwaka wa 1954, Waingereza walichukulia idhaa hiyo  kama kitendo cha uchokozi kilicholenga kuwachochea wakazi wa eneo hilo kufanya uasi na mapinduzi. "John Lloyd" Waziri wa Mambo ya Nje wa Uingereza na Masuala ya Jumuiya ya Madola alituma barua ya chuki na vitisho kwa serikali ya Misri ili kusitisha utangazaji huo na kumkabidhi mwandishi wa habari aliye uhamishoni nchini Misri, "Kiarii Kariuki", aliyekuwa mmoja wa wanataaluma maarufu wa vyombo vya habari  aliyefanya kazi kwenye Idhaa na baadhi ya wanafunzi wa Kenya huko Cairo na wakiripoti matukio ya maasi ya "Mau Mau" yaliyozuka mashambani na kuenea hadi mijini kuanzia katikati ya miaka ya hamsini hadi mwanzoni mwa miaka ya sitini na athari zake kali zilibaki hadi kuharakisha ukombozi wa kitaifa.

Idhaa hiyo ilikuwa ikitoa taarifa za habari, kampeni za mshikamano, semina kwa lugha ya Kiswahili, michezo ya kuigiza na filamu za sauti, maarufu zaidi kati ya hizo filamu ya "Damu katika Bara la Afrika", ambayo ilionesha lengo kuu la Mjumbe wa Uingereza, "Charlon Elliott. kuziita familia za Waingereza kukaa katika kile kinachojulikana kama "ardhi za juu zenye rutuba" inayokaliwa na makabila ya "Kikuyu", ili kulinda reli iliyoamuliwa kujengwa kati ya mji wa "Mombasa" kwenye pwani ya Kenya, na mji mkuu wa Uganda "Kampala" katika mji mkuu wa Kenya "Nairobi". Wakenya waliofukuzwa kutoka  ardhi hizi walikuwa wakienda kuishi katika maeneo  yaliyotengwa kwa ajili yao, kama maghala ya watu, sawa na Bantustans nchini Afrika Kusini.Na wale ambao hawakupata sehemu katika maghala haya, walikuwa wakigeuka kuwa watumwa katika ardhi inayomilikiwa na Wazungu, na wengi wao wakawa wanaruhusiwa kulima walichokula tu  kupitia kumtumia yeye na familia zake kufanya kazi katika ardhi ya mabwana wa kizungu Mkataba wa kazi kwa watu hawa uliandaliwa kwa kipindi cha mwaka mmoja hadi saba, na ikiwa ardhi iliuzwa, mkataba wa kazi ulihamishiwa kwa mmiliki mpya, na yeyote aliyetoroka kutoka kwao angeweza kukamatwa na kufungwa, na kuongeza nguvu ya waajiri juu ya wafanyakazi wao, kila Mwafrika alitakiwa kisheria kuwa na kibali cha kufanya kazi.

Pia mnamo Januari 27, 1955, idhaa iliripoti kampeni ya umwagaji damu ya kijeshi iliyofanywa na wakoloni wa Uingereza, kwa kutumia silaha na anga ili kupiga sehemu za  "Mau Mau" milimani ambako walikuwa walijiimarisha wenyewe, Jumla ya hasara ilifikia 8,000 waliokufa na  kutekelezwa kwa hukumu ya kifo kwa watu 900.Hasara hizo hazijumuishi mashambulizi ya ndege na mizinga.

kulikuwa na Waafrika 7,000 katika kambi za mateso na magereza, Wakikuyu 600,000 walifukuzwa kutoka ardhi  yao, na vibanda 200,000 viliharibiwa na kuchomwa moto.

Mimi si mfuasi wa Nasser, ila sikatai jukumu la Misri mnamo miaka ya sitini katika kuunga mkono roho ya mshikamano, udugu, na amani kwa ajili ya ukombozi wa kisiasa na maendeleo huru katika bara la Afrika....  Idhaa "Redio ya Cairo", kama ilivyokuwa inayoitwa na Wakenya, au "Sauti ya Afrika" kama ilivyoitwa na Wamisri, ilikuwa miongoni mwa njia na zana za Kupinga ubeberu na kupanua ushirikiano wa kikanda katika Afrika, na Jukumu hilo kubwa lazima lifichuliwe na kuthaminiwa.